Evrika Beynəlxalq Elm və Texnologiya Liseyi

Qidalanma

“Bədənin qidası yemək, ağlın qidası elmdir!”

Liseyimizin yeməkxanasında 3 dəfə olmaqla qidalanma rejimi mövcuddur: səhər yeməyi, nahar yeməyi, qəlyanaltı və meyvə saatı. Məktəblilərin qidalanması yaş normativi nəzərə alınaraq, sanitar gigiyenik qaydalara uyğun şəkildə hazırlanır. Məktəblilərin yeməkdən öncə və yeməkdən sonra vacib olan gigiyenik qaydalara riayət etmələri haqqında maarifləndirmə işləri aparılır.

Liseyin həkimi və aşpazların iştirakı ilə məktəb heyətinin həftəlik qidalanma menyusu tərtib edilir. Qida məhsullarının keyfiyyətinə, istehsal tarixinə, yerləşdirilmə və saxlanma şəraitinə liseyin həkimi tərəfindən gündəlik nəzarət olunur.

Nəqliyyat

Evrika Liseyi şagirdlərin təhlükəsiz və rahat şəkildə məktəbə və evə çatdırılmasını təmin edən nəqliyyat xidməti təqdim edir. Avtobuslarımız mütamadi olaraq texniki baxışdan keçirilir və təhlükəsizlik standartlarına uyğun şəkildə təchiz olunur.

Təcrübəli və məsuliyyətli sürücülərimiz şagirdlərimizin nəqliyyat vasitəsində rahatlığını və təhlükəsizliyini təmin edir. Komfortlu və geniş avtobuslar şəhərin müxtəlif bölgələrini əhatə edən marşrutlarla fəaliyyət göstərir, bu da valideynlər üçün maksimum rahatlıq yaradır.

Evrika Liseyi olaraq şagirdlərin təhlükəsizliyi və valideynlərin məmnuniyyəti hər zaman bizim əsas prioritetimizdir.

Təhlükəsizlik

Lisey ərazisi 24 saat peşəkar mühafizə xidməti ilə qorunur və müasir təhlükəsizlik sistemləri ilə təchiz edilmişdir. Girişdə quraşılmış turniket sistemi yalnız icazəli şəxslərin daxil olmasını təmin edir.

Təhlükəsizlik bizim üçün yalnız bir prioritet deyil, həm də tədris mühitimizin ayrılmaz bir hissəsidir.

Psixoloji Xidmət

Evrika liseyi yalnız akademik biliklərin mənimsənilməsi deyil, həm də şagirdlərin hərtərəfli inkişafını təmin edən bir təhsil mühiti yaratmağa önəm verir. Bu məqsədlə, məktəbimizdə psixoloji xidmətlər - Psixodiaqnostika, Psixoproflaktika, Psixokorreksiya, Psixomaarifləndirmə və Psixoloji konsultasiya işləri aparılır.

Evrika liseyində psixoloji xidmətlərin təşkilində əsas məqsəd, şagirdlərimizin emosional və sosial sağlamlıqlarını qorumaqla yanaşı onların məktəb həyatına inteqrasiyasını asanlaşdırmaq və akademik nailiyyətlərini artırmaqdır. Psixoloji xidmətlərimiz şagirdlərin motivasiyasını artırmaq, özünə inamlarını gücləndirmək və akademik stresslə mübarizə aparmalarına kömək edir.

Liseyimizdə psixoloji xidmətlər şagirdlərimizin hərtərəfli inkişafını təmin etmək, onları gələcəyə hazırlamaq və həyatın çətinlikləri ilə başa çıxmalarına kömək etmək üçün vacib bir vasitədir. Bizim əsas hədəfimiz, hər bir şagirdin psixoloji rifahını ön planda tutaraq, onları daha müsbət, güclü və uğurlu gələcəyə istiqamətləndirməkdir.

Tibbi Xidmət

“Həyatda ən böyük xoşbəxtlik sağlamlıqdır.”

Şagirdlərin sağlamlığını qorumaq məqsədilə Evrika Liseyində ixtisaslı həkim və tibb bacısı fəaliyyət göstərir. Liseyin tibb otağı ilk tibbi yardım göstərilməsi üçün tibbi ləvazimatlar və dərmanlarla təchiz olunmuşdur.

Məktəblilərin ümumi tibbi müayinəsi və zədələnmə hallarında tibbi yardım saat 09:00-dan 17:00-dək liseyin tibb otağında təmin edilir.

Liseydə hər hansı qəza və ya həyati təhlükə yaradan vəziyyət baş verdikdə, məktəbliyə dərhal ilkin tibbi yardım göstərilir. Daha sonra valideynin razılığı və seçiminə əsasən liseyin həkiminin iştirakı ilə müvafiq tibb müəssisəsinə çatdırılır.

Əgər məktəblidə infeksion və ya virus xəstəliyi aşkarlanarsa, o, dərhal izolyasiya edilir və evə göndərilir. Bu şagird 14-21 gün ərzində karantin rejimində saxlanılır. Yoluxma halları çoxaldıqda liseydə epidemiyaya qarşı dezinfeksiya işləri aparılır.

Bundan əlavə, liseydə həm məktəblilər, həm də pedaqoji heyət üzvləri ilə sanitar maarifləndirmə işləri həyata keçirilir.